მიხალის ეკონომუს

კატარის ფილარმონიული ორკესტრის მუსიკალურ დირექტორად დანიშნული მიხალის ეკონომუ ასევე გახლავთ ათენის სიმფონიური ორკესტრის დირიჟორი და საბერძნეთის ნაციონალური რადიოს ორკესტრის მოწვეული დირიჟორი.

დაიბადა საბერძნეთში 1973 წ., სწავლობდა მუსიკათმცოდნეობას ათენის უნივერსიტეტში ისევე, როგორც ვიოლინოს თეორიას და კომპოზიციას ათენის ეროვნულ კონსერვატორიაში. მან მიიღო ხუთი სტიპენდია, როდესაც 1997 წ. გადავიდა ბოსტონში, სადაც ბოსტონის უნვიერსიტეტში სწავლობდა ორკესტრის დირიჟორობას და კომპოზიციას ლუკას ფოსთან, თეოდორე ანტონიოსთან და დეივიდ ჰუსთან. 1999 წ. მან მიიღო ‘მუსიკის მაგისტრის წოდება’ დიროჟორობაში, ხოლო 2001 წ. - მუსიკალურ ხელოვნებათა დოქტორის წოდება კომპოზიციაში. მისი მასწავლებლები დირიჟორობაში ასევე იყვნენ საერთაშორისოდ აღიარებული იორმა პანულა და ჯანლუიჯი გელმეტი.

მიხალის ეკონომუმ მოიპოვა თერთმეტი ჯილდო ნაციონალურ და საერთაშორისო შეჯიბრებებზე, მათ შორის “ალეა III” და “დიმიტრი მეტროპულოსის საერთაშორისო შეჯიბრებებზე კომპოზიციაში. მან უდირიჟორა ყველა ბერძნულ სიმფონიურ ორკესტრს, ისევე როგორც მრავალ მსხვილ ორკესტრსა და ანსამბლს ევროპაში, შეერთებულ შტატებსა და აზიაში. მისი კომპოზიციები სრულდება მთელს მსოფლიოში და მან ასევე დაწერა მუსიკა კარნეგი ჰოლისთვის და სხვათა შორის ათენის მეგარონის საკონცერტო დარბაზისთვის.

ამჟამად, მიხალის ეკონომუ ასწავლის დირიჟორობას საბერძნეთში და 2003 წლიდან მან 50-მდე ახალგაზრდა დირიჟორი მოამზადა. 2004 წლიდან დღემდე ის არის ათენის ნაციონალური ტექნიკური უნივერსიტეტის მუსიკის დეპარტამენტის სამხატვრო ხელმძღვანელი.