კვარტეტი ,,ნოტა“- ს ისტორია

ქართული საესტრადო სიმღერის, კერძოდ კი, ქალაქური, ხალხური თუ სტილისტური - ვოკალურ-ინსტრუმენტულ ნაწარმოებთა ნატიფი შესრულებისათვის და დახვეწისათვის, ათეული წლების მანძილზე იქმნებოდა ანსამბლები,  სადაც ამ ჟანრის ნაწარმოებთა დახვეწა-განვითარებაზე ზრუნავდა როგორც მთელი საქართველოს, ისე ბათუმის მუსიკალურად განსწავლული ინტელიგენცია.

 ასე მოხდა 2000 წელსაც, როცა ბათუმის ზ.ფალიაშვილის სახელობის სახელმწიფო კონსერვატორიაში, საგუნდო-სადირიჟორო ფაკულტეტის სტუდენტთა ძალისხმევით შეიქმნა გოგონათა ვოკალური ანსამბლი „ნოტა“, - ნინო ფაღავას, ნათია ცენტერაძის და ნათია კლარჯეიშვილის შემადგენლობით.  ტრიო ,,ნოტა“  იმდღიდანვე აქტიურად იღვწის ქართული ვოკალურ-ინსტრუმენტული ჟანრის დახვეწვა-განვითარებისა და ქართველი ერის ამ ლამაზი კულტურული მონაპოვარის საზღვარგარეთ გატანისათვის. 

  ,,სტუდენტური დღეები 2002“-ის მხატვრული თვითშემოქმედების დათვალიერებაში გამარჯვების გამო, ტრიო ,,ნოტა“-მ მიიღო საქართველოს პრეზიდენტის მილოცვა. 

 2003 წელს -  ბულგარეთის საერთაშორისო ფესტივალზე ტრიო ,,ნოტა" დაჯილდოვდა დიპლომით და ფასიანი საჩუქრებით. 

2003 წელს -  თურქეთის რესპუბლიკაში, ქართალის ფესტივალზე ტრიო ,,ნოტა“-ს მიღებული აქვს დიპლომი და ლაურეატის წოდება. 

2007 წელს ტრიო ,,ნოტა” შეუერთდა მუსიკალურ ცენტრს. 

2009 წელს ტრიო ,,ნოტა”-ს შეემატა ერთი წევრი, რის გამოც შეეცვალა სახელწოდება და ამჟამად მოიხსენიება როგორც კვარტეტი ,,ნოტა“ - ნინო ფაღავას, ნათია ცენტერაძის, ლელა დოლიძის და შოველი გუგეშაშვილის შემადგენლობით. კონცერტმაისტერი -  ბესიკ ბერძენიშვილი. 

2008 წელს კვარტეტი  ,,ნოტა“  ბულგარეთის საერთაშორისო ფესტივალზე ,,МОРЕ И СПОМЕНИ“ დაჯილდოვდა დიპლომით - საუკეთესო მაღალმხატვრული შესრულებისათვის და მიიწვიეს მომდევნო წელს კონკურსზე. 

2009 წელს -  ბულგარეთის საერთაშორისო კონკურს-ფესტივალზე კვარტეტმა  ,,ნოტა“-მ მოიპოვა პირველი ადგილი, ფულადი პრემია და ლაურეატის წოდება. 

2010 წელს კვარტეტი ,,ნოტა“ მიიწვიეს სტამბულის საერთაშორისო ფესტივალზე, სადაც დაჯილდოვდა დიპლომითა და ფასიანი საჩუქრებით. 

2011 წელს კვარტეტი ,,ნოტა“ მიიწვიეს ბულგარეთში, ქალაქ კორლოვოში -  ,,ვარდების“ ფესტივალზე, ასევე მიიღო მონაწილეობა სახალხო დღესასწაულში ,,КОПРИВЩИЦА 2011“,  სადაც დაჯილდოვდა დიპლომითა და ფასიანი საჩუქრებით. 

კვარტეტი ,,ნოტა“ აქტიურ მონაწილეობას ღებულობს აჭარისა და ბათუმის ყველა კულტურულ ღონისძიებებში, იგი ყველასათვის სასურველი ჯგუფი გახდა.