სიმფონიური ორკესტრის დირიჟორი

მამუკა ალაფიშვილი

შემოქმედებითი ბიოგრაფია 

მამუკა ალაფიშვილი დაიბადა 1975 წლის 10 იანვარს, ქალაქ ბათუმში.

1997 წელს დაამთავრა ვანო სარაჯიშვილის სახელობის  სახელმწიფო კონსერვატორია ვალტორნის სპეციალობით (ბორის მუქერიას კლასი).

1993 – 1994 წლებში - მუშაობდა თბილისის ზაქარია ფალიაშვილის სახელობის ოპერისა და ბალეტის
სახელმწიფო თეატრში (ორკესტრის მსახიობი).
1993 – 1997 წლებში - მუშაობდა ევგენი მიქელაძის სახელობის სახელმწიფო სიმფონიურ
ორკესტრში (ორკესტრის მსახიობი).
 2000 წელს - დაამთავრა თბილისის ვანო სარაჯიშვილის სახელობის
სახელმწიფო კონსერვატორიის ასისტენტურა საოპერო-სიმფონიური დირიჟორობის
სპეციალობით (პედაგოგი ასოცირებული პროფესორი ზაზა აზმაიფარაშვილი).
1999 წლიდან  - მუშაობს ქ.ბათუმის სახელმწიფო კონსერვატორიაში (ასოცირებული პროფესორი).
1993 – 2004  წლებში -  მუშაობდა ქ.ბათუმის ოპერისა და ბალეტის თეატრში (ორკესტრის მსახიობი).
2004 წლიდან  - ქ.ბათუმის სახელმწიფო მუსიკალური ცენტრის სიმფონიური ორკესტრის დირიჟორია.
2007 წლიდან - ქ.ბათუმის მერიის ხელოვნებისა და კულტურის ცენტრის დირიჟორი.
2012 წელს -  შედგა მამუკა ალაფიშვილის დებიუტი ქ.ერბილში (ერაყი), სადაც მან უდირიჟორა ერბილის ორკესტრს.
2013 წლიდან - ქ.ქუთაისის საოპერო თეატრის  დირიჟორია.
მისი ორკესტრის რეპერტუარში შედის საოპერო და სიმფონიური ნაწარმოებები,
ოპერები : ზაქარია ფალიაშვილის „ დაისი“, ჯუზეპე ვერდის „ტრავიატა“, პიეტრო მასკანის  „სოფლის ღირსება“, გაეტანო დონიცეტი „ლუჩია დი ლამერმური“, „სიყვარულის ნექტარი“, ვოლფგან ამადეი მოცარტის „ფიგაროს ქორწინება“ და სხვა.
 მისი დირიჟორობით შესრულდა სიმფონიური ნაწარმოებები : მოცარტის , ბეთჰოვენის, ბრამსის, შუბერტის, შუმანის  და სხვა.